Skemmtilegur hittingur var þriðjudaginn 15.júlí 2025. Ólafur Sæmundsson tók af skarið og ákvað stað og stund.
Fjölbrautar skóli Garðabæjar varð fyrir valinu kl: 19:30 að kveldi. Mæting var góð og veðrið líka.

Þeir sem mættu voru:
Albert Sveinsson á Godzilla (G767)
Axel Heiðar Guðmundsson á G4011
Ásgeir Sæmundsson á Forna
BB Kristinsson á FI024
Einar Víglundur Kristjánsson á JL568
Guðmundur Þórður Guðmundsson á R9040
Hrafn Stefánsson á U567
Ólafur Sæmundsson á Afa töff B1974

Frábært að sjá að Bronco flotinn okkar fer stækkandi og batnandi

Sjá myndir:


Myndbönd:

Fjórir folar gerðu sér leið á Bíladellu á Selfossi 05.júlí 2025

Við 2 sem ókum frá Reykjavík hittumst við Olís í Norðlingaholti og ókum í samfloti austur.
Veðrið var með ágætum, skýað en engin rigning en létti til þegar leið á daginn. Fjöldi bíla mætti allstaðar að.

Eftirtaldir mættu á þennan viðburð:
Ásgeir Sæmundsson á Forna
Ólafur Sæmundsson á Afa töff ( B1974 )
Kári Hafsteinsson á AR182
Halldór Benjamínsson á H73
Eitthvað sást Einar Víglundur Kristjánsson á JL568 en hann náðist ekki á mynd.

Þessa daga auglýsir RockAuto lager útsölur fyrir 1976 og 1979 Ford Bronco.
Ætla má að margir af þessum hlutum passi líka í aðrar árgerðir. Þarna má finna mikið af smáhlutum svo sem bremsuhluti margskonar en líka öxla og bremsudiska.

Smellið hér fyrir 1976
Smellið hér fyrir 1979

Jimmy Golden Auglýsti í dag þennan 1969 Ford Bronco.
Honum fylgir skráning, grindin er sögð góð og boddý viðgerðarhæft.

Þetta færðu þú fyrir 750.000 íslenskar í Bandaríkjunum.

Guðlaugur Árnason eða @Gulli eins og flestir þekkja hann fór í fríðu föruneyti, niður á Þjóðskjalasafn.
Þar duttu þeir í lukku pottinn þegar þeim voru færðar fjölmörg fyrstu kynslóðar skráningarskírteini sem höfðu að geyma nöfn eiganda og fyrri númer sem okkur voru ekki kunn.
Þetta gerir okkur kleift, þegar búið er að færa allt inn. Að finna bíla og staðsetja út frá fleiri eigendum og númerum. Í sumum þessara skírteina er líka talað um undir módel, þá Renegade til dæmis.

Smellið á mynd til að stækka
Öll eldri vottorð eru handskrifuð og sum virðast tákna númeraskipti eingöngu. Þar sem ekki eru teknar fram miklar upplýsingar um bílinn, ekkert framleiðslunúmer eða annað.
Eins og gefur að skilja getur reynst erfitt að skilja handskrift sem jafnvel er farinn að dafna og er mismunandi frá manni til mans.
Þarna er mest af upplýsingum um 1966 til 1969 bíla en svo líka suma yngri.

66 til 71 eru þær árgerðir sem okkur skorti hvað mestar upplýsingar um vegna vanskráningar umferðarstofu á sínum tíma þegar handskrifaðakerfið var fært í stafrænt form.
Það er nokkuð víst að eftir þessa yfirferð verða færri göt í grunni okkar, en þó verða alltaf einhverjar holur og gallar.

Gaman er að sjá hversu vel gagnagrunnur okkar stendur sig en við þurfum stundum ekki nema 5 stafi úr framleiðslunúmeri til að finna bíl eða númer.
Nú eða nafn eins eiganda sem stemmir, eða númer bíls.

Þarna duttum við heldur betur í lukku pottinn en betur má ef gera skal og nú þurfum við fleiri myndir af Bronco bílum alls staðar að af landinu og auðvitað upplýsingar.