AJ543

Mynd: Sigurður Andri Sigurðsson

Myndin er af verkstæði sem afi rak fyrir áratugum síðan. Afi var semsagt Hjálmar Sigurðsson og tilheyrði húsið görðunum við Ægisíðuna. Sigurður Jónsson langafi minn rak útgerð og fiskverkun í þessu húsi ásamt öðru húsi sem stóð við hliðina áður en þarna var opnað verkstæði. Afi var með þetta verkstæði í 20-25 ár, ca frá sjötta áratugnum. Þessar myndir eru teknar líklega 1989. Ef skoðað er vel þá sést að símanumerið 15961 var áður 5961 á skiltinu. Einum var bætt við fyrir framan.

Chevillan var 72 módel 6 cyl en ég man ómögulega númerið á honum.

Maðurinn á myndunum sem eru teknar inná verkstæðinu er babbi heitinn að laga bronco sem ég átti. Bíllinn fór óheppilega á toppinn og þarna var skeytt saman tveim boddíum. Líklega var húsið rifið uppúr 1990 eða um það bil.